СмартАп – Лабораторија за социјални иновации Скопје објавува оглас за: Административен асистент.
СмартАп, Лабораторијата за социјални иновации Скопје, има потреба од нов член во тимот кој ќе се придружи на организацијата и ќе помогне во административните, финансиските и организациските задачи при работењето.
Цел и одговорност на работното место:
- Пријава, одјава на вработените, подготовка на договори за вработување;
- Фактурирање и водење на наплата, следење на исплати;
- Одржување на извештаи за човечки ресурси и обезбедување на усогласеност со политиките, правилата и прописите на донаторите;
- Администрирање на процес на набавка, вклучувајќи наплата и записи;
- Одржување дневник на залихи;
- Плаќањата во готовина и други трансакции преку готовина, и проверка на соодветна документација;
- Следење на буџетски исплати и подготвување на финансиски извештаи според внатрешни политики и процедури;
- Подготовка на понуди и фактури за клиенти;
- Комуникација со клиенти;
- Прием и проследување на документи;
- Водење на деловодна книга, архивирање на документи;
- Набавка на канцелариски материјали;
- Останата административна поддршка.
Потребни вештини и квалификации:
- Минимум 1 година работно искуство на иста или слична работна позиција;
- Одлично познавање на англиски јазик – говорен и пишан;
- Одлично познавање на работа со MS Office (Word, Excel, Power Point), интернет алатки Google Drive, Outlook и сл.;
- Способност за планирање, организирање и извршување на задачи;
- Ефикасни комуникациски вештини и одлични меѓучовечки вештини;
- Вештини со управување со бази на податоци и чување на документи;
- Професионален и позитивен однос;
- Способност за работа во динамична работна средина, под притисок и во кратки рокови;
- Познавање на албански јазик ќе се смета за предност;
- Диплома за завршено високо образование е предност.
Што нудиме:
- Динамична средина каде инклузивноста, проактивноста и желбата за иновации е секојдневие,
- Професионален развој, учество на обуки, семинари и конференции,
- Менторирање од страна на постоечкиот кадар на НВО СмартАп,
- Убава и пријатна атмосфера во нашата канцеларија во старата скопска чаршија.
Логистички информации поврзани со работниот ангажман:
- Лицето се очекува да почне со работа од Септември, 2020
- Дневното работно време на оваа позиција е 8 часа, со работно време од 08:30 до 16:30 часот или 09:00 до 17:00
- Неделното работно време е од понеделник до петок, со предвидено дневно водење на записник од завршени задачи
- Физичкото прусуство е задолжително поради природата на позицијата, но во канцелариите ги следиме сите прописи и препораки од здравствените институции.
Испратете го Вашето CV и мотивациско писмо (до 500 зборови) на [email protected] со наслов Апликација за административен асистент.
Краен рок за аплицирање: 09.08.2020, до 17:00 часот. Само селектираните кандидати ќе бидат контактирани и повикани на интервју.
