СмартАП – Лабораторија за социјални иновации Скопје е невладина организација која работи на адресирање и решавање на општествени предизвици во областите на образование, иновации во јавен сектор и климатски промени. Преку својот иновативен пристап но и преку својата пасија и посветеност, тимот на СмартАп секојдневно работи на креирање поубав, поинаков и подобар свет. Составен од амбициозни и мотивирани соработници, тимот е секогаш отворен за нови професионалци кои сакаат да работат во пријатна работна средина и кои целат преку своето работење да креираат позитивна промена за својата околина и општество.
Согласно потребите на организацијата, СмартАП објавува оглас за проширување на својот тим односно за вработување на:
Менаџер на заедница и организирање настани
Вашите одговорности ќе вклучуваат:
- Водење на регионални заедници
Овие заедници се составени од различни засегнати страни со заеднички интереси (на пр. Претставници од градска администрација и јавни службеници; претставници на локалната администрација, невладини организации, колективи и граѓани):
- Воспоставување, развој и управување со комуникациски простори за заедницата (на пр. користење на Slack или други платформи).
- Подготовка на стратегии за управување и/или развој на заедниците
- Обезбедување континуирана активност на заедницата и информирање за релевантни активности
- Овозможување комуникација и активност меѓу членовите на заедницата.
- Планирање и реализација на настани
Планирање, ко-дизајнирање, организирање и спроведување на различни видови настани, вклучувајќи:
- Онлајн сесии за учење и размена на знаење.
- Студиски посети помеѓу градови и засегнати страни, главно во регионот на Југоисточна Европа.
- Програми за развој на капацитети.
- Дијалози со градоначалници и општински службеници од регионот (онлајн и во живо).
- Реализација на регионални настани и конференции, со програми што вклучуваат експертски дискусии, сесии за споделување знаење, практични работилници и вмрежување.
- Тим-билдинг настани на заедницата.
- Координација на логистиката и обезбедување висок квалитет на испорака на настаните.
- Поддршка на активности предводени од заедницата
- Поддршка на заедниците со цел нови соработки и активности
- Обезбедување обуки, совети и менторство на заедницата со цел поддршка во развој на нови иницијативи – на пр. поврзани со енергија, мобилност, просторни интервенции, храна и домување.
- Споделување знаење и вмрежување
- Организирање вебинари за иновации во јавниот сектор со цел поттикнување на регионална размена на знаење.
- Соработка со Маркетинг менаџерот за промовирање на активности и постигнувањата на заедницата.
- Поддршка на членовите на заедницата да се поврзат со пошироки меѓународни мрежи за соработка, вмрежување и споделување искуства и практики.
- Документирање активности
- Собирање на информации од настаните и вклученоста на заедницата за проценка на ефективноста на иницијативите и сесиите за колективното учење.
- Подготовка на извештаи за настаните и работата во заедницата, со цел информирање на донаторите и партнерите.
Потребни вештини и квалификации:
Вештини за лидерство во заедница
- Искуство во градење и управување со професионални мрежи или заедници.
- Фасилитаторски вештини за поттикнување на соработка, размена на знаење и активно учество.
- Докажано искуство во работа со различни засегнати страни, вклучувајќи градоначалници, претставници на јавниот сектор и регионални/меѓународни партнери.
- Докажана способност за вклучување и координирање на соработката со различни групи граѓани.
- Силни комуникациски и интерперсонални вештини за градење односи и доверба.
Експертиза во организација на настани
- Докажано искуство во планирање и организирање на онлајн и настани со физичко присуство, вклучувајќи конференции, вебинари и работилници.
- Силни организациски вештини и внимание на детали, со способност за ефикасно управување со буџети и логистика.
Поддршка на активности предводени од заедницата
- Разбирање на процес на имплементација на граѓански иницијативи
- Искуство во мобилизирање на нови интерсекторски иницијативи.
- Познавање на пристапи за организирање на заедници во областа на енергијата, мобилноста, интервенции во просторот или други области e предност.
Дигитална писменост
- Познавање на онлајн платформи за соработка (на пр. Slack, Hivebrite, Zoom, MS Teams) и алатки за управување со настани.
- Основно познавање на социјалните медиуми и комуникациските алатки за промовирање на настани и иницијативи.
Јазици
- Одлично владеење на англиски јазик (писмено и говорно) е задолжително.
- Познавање на јазици од регионот е предност.
Други барања
- Подготвеност за патувања во регионот и Европа за студиски посети, состаноци и настани.
- Познавање на иновации во јавниот сектор е предност.
Логистички информации поврзани со работниот ангажман:
- Лицето се предвидува да почне со работа од 15.03.2025 во период од 24 месеци, со можност за продолжување.
- Првично се прави договор за вработување во времетраење од 3 месеци, кој се смета како пробен период
- Ангажманот се склучува преку Договор за вработување.
- Неделното работно време е од понеделник до петок, 8 работни часа, со предвидено дневно водење на записник од завршени задачи.
Евалуацијата на апликациите ќе се врши континуирано, веднаш по нивното поднесување. Ве молиме во апликациската форма поднесете Резиме (CV) и одговор на англиски јазик на следниве 3 прашања, не подолго од вкупно 2 страни:
- Can you share an experience when you successfully built or managed a professional network or community? What strategies did you use to engage diverse stakeholders (e.g., city leaders, public sector representatives, NGOs, citizens)?
- What experience do you have in organizing events (online or in-person), such as conferences, webinars, or study visits? Please provide examples of events you have planned and your role in their execution.
- Community-led development often requires mobilizing and supporting citizen-driven initiatives. Can you share an example of how you have supported a community initiative related to areas such as energy, mobility, placemaking, or other areas? What was the outcome?
Апликациите се поднесуваат електронски преку е-маил на [email protected] со наслов “Апликација за менаџер на заедница“.
