СмартАп – Лабораторија за социјални иновации Скопје објавува оглас за: 1 (еден) преведувач од македонски јазик на албански јазик и лектор на македонски јазик.
Во склоп на проектот „Создавање средина што овозможува подобрување на квалитетот на наставата и учењето преку ко-креирање и иновации“, со цел развој на базата на едукативна содржина на Едуино, националната веб-платформа за образование, СмартАп – Лабораторија за социјални иновации Скопје, распишува оглас со цел да ангажира 1 (еден) преведувач од македонски на албански јазик, вклучувајќи и лектура на македонски јазик во насока на развивање на образовни материјали и содржини наменети за активности со деца.
Материјалите коишто ќе се развиваат се:
- шаблони (во формат спремен за печатење) за спроведување на активност;
- образовен материјал за спроведување на игровна активност;
- едукативни активности придружени со насоки за спроведување на учење базирано на игра или за поттикнување на социо-емоционалниот развој кај децата;
- прашалници и други документи за потребите на платформата Едуино.
Развиените материјали и активности ќе бидат објавени и поставени на национална веб-платформа за образование ЕДУИНО, достапна на www.eduino.gov.mk.
Повеќе информации за ЕДУИНО платформата
Платформата Едуино содржи видеолекции, ресурси, игри и едукативни активности за поддршка на воспитно-образовниот процес. Едуино има за цел да прерасне во колективна платформа на којашто, заедно со децата, едукаторите и родителите, ќе се креираат, проверуваат и објавуваат нови ресурси и материјали, градејќи ја првата национална библиотека на дигитални едукативни материјали во нашата држава. Библиотеката на едукативни активности на платформата Едуино вклучува едукативни активности, како и неколку подготвени дигитални игри и упатства за нивна инсталација и играње.
Намена: Овие активности и материјали имаат цел да помогнат да се поттикне учење преку игра и развој на социо-емоционални вештини кај учениците во и надвор од формалното образование, а моментално работиме на активности кои се за домашна употреба.
Доколку се пронаоѓате во оваа наша голема визија за правилен раст и развој на децата и би сакале да бидете дел од развојот на содржината за веб-платформата за образование Едуино, за да се придонесе кон подобрување на образованието, тогаш чест ни е да Ве поканиме да ни се придружите и да биде дел од тимот кој носи промени!
Потребни вештини и квалификации:
- овластен лектор по македонски јазик, врши лекторирање и јазично уредување на различен вид текстови и документи каде што се бара употреба на македонскиот стандарден јазик;
- овластен преведувач од македонски на албански јазик, со превод на документи на албански стандарден јазик;
- одлично познавање и работа со пакетот Microsoft Office (Excel, Word, Power Point) и сродни алатки за ефективно работење како: Google Drive, Outlook и сл.;
- искуство и работење во мултидисциплинарен тим (минато искуство и соработување со графички дизајнери, илустратори) ќе се смета за плус;
- способност за работа во динамична работна средина, под притисок и во кратки рокови;
- желба за креирање на едукативни и игровни активности за деца.
Предност ќе имаат кандидатите со портфолио и учество во лекторирање и/или превод на објавени книги, материјали и/или прирачници за деца, како и оние со искуство во развивање на образовни материјали, текстови и/или содржини за деца.
Логистички информации поврзани со работниот ангажман:
- Лицето се очекува да почне со работа од Август, 2020
- Ангажманот е предвиден да трае 3 месеци, со можност за продолжување
- Дневното работно време на оваа позиција е 8 часа, со работно време од 09:00 до 17:00 часот
- Неделното работно време е од понеделник до петок, со предвидено дневно водење на записник од завршени задачи
- Канцелариите се наоѓаат во Стара Чаршија, Скопје, но поради ситуацијата со COVID-19 моментално работиме remote, со можност и за доаѓање во канцелариите.
Испратете го Вашето CV и мотивациско писмо (до 500 зборови) на [email protected] со наслов Апликација за лектор и преведувач.
Краен рок за аплицирање: 26.07.2020, до 17:00 часот. Само селектираните кандидати ќе бидат контактирани и повикани на интервју.
Овoј оглас е во склоп на проектот „Создавање средина што овозможува подобрување на квалитетот на наставата и учењето преку ко-креирање и иновации“ #Inno4Edu кој е финансиран од Владата на Обединетото Кралство преку Амбасадата на Велика Британија во Скопје, со поддршка на Министерството за труд и социјална политика, Министерството за образование и наука, Бирото за развој на образование и УНИЦЕФ. Овој проект го спроведува СмартАп – Лабораторијата за социјални иновации.
