Како тестатори/корисници ќе имате можност да се запознаете со содржините на секоја од веб страниците и водени од алатката Loop го дадете вашето мислење за изгледот, поединечните опции кои ги нуди страната, прикачените материјали и нивниот квалитет, како и сеопфатното корисничко искуство.

Тестирањето претставува една од фазите на развој на националната веб платформа и е неопходен чекор кон креирање на квалитетна и применлива алатка. Ваквото прибирање на информации од крајните корисници е практика при креирање на веб решенија и платформи којашто досега низ светот покажува огромна успешност.

Како организација се залагаме за остварување на инклузивно општество, затоа овој повик е отворен за сите кои се наоѓаат во еден од бараните профили на кандидати, отфрлувајќи ги сите општествени разлики како пол, националност, етничко потекло, хендикеп и останато.

Напомена: Веб-решенијата кои моментално се тестираат се изработени на македонски јазик, но финалната веб-страница, односно националната платформа за образование, ќе биде достапна како на македонски, така и на албански јазик. Веб-решенијата не се финални и препорачуваме прикачените материјали да се користат само како основен пример за финалниот квалитет на развиените материјали.

Тестирањето се реализира во рамките на проектот „Поставување на поволно опкружување за подобрување на квалитетот на наставата и учењето преку ко-креирање и иновации“. Проектот е финансиран од Владата на Обединетото Кралство, со поддршка на Британската амбасада Скопје,  Министерството за труд и социјална политика и УНИЦЕФ , а го спроведува СмартАп – Лабораторијата за социјални иновации.