СмартАП – Лабораторија за социјални иновации Скопје е невладина организација која работи на адресирање и решавање на општествени предизвици во областите на јавни услуги, климатски промени и образование. Преку својот иновативен и поинаков пристап но и преку својата пасија и посветеност, тимот на СмартАп секојдневно работи на креирање на поубав, поинаков и подобар свет. Составен од млади, амбициозни и мотивирани соработници, тимот секогаш е отворен за нови сонувачи и професионалци кои сакаат да работат во пријатна и предизвикувачка работна средина и кои целат преку своето работење да креираат вредност и позитивна промена за својата околина и општество.
Согласно потребите на проектот „ЕДУИНО: Колективно подобрување на образованието преку ко-креирање и иновации”, СмартАП објавува оглас за проширување на својот тим односно за ангажирање на:
Консултант за развој на научна активност – ЕДУИНО Лабораторија
ЕДУИНО – Лабараторијата е виртуелна лабораторија која симулира самостојно и безбедно учење преку игра и експерименти. Користејќи ја науката како алатка за откривање на природните процеси во нашиот свет, лабараторијата ќе дава можност децата да го развијат својот интерес за природните науки на инклузивен и лесно пристаплив начин. Предвидено е и ресурсите со кои ќе се располага, да бидат користени од едукатори со цел олеснување на формалниот едукативен процес.
Кои ќе бидат задачите и одговорностите?
- Запознавање со концептот и предвидената програма на ЕДУИНО лабораторијата
- Спроведување на секундарно прибирање на податоци (desk research) и други форми на истражување за да се идентификуваат светските трендови и скалабилни примери, како и да се идентификуваат најдобри практики за развој на научна активност
- Директно подготвување на 15 виртуелни лабораториски експерименти што содржат цел на играта, правила на активноста, како да се игра и список на потребни материјали и препораки (слики за дизајн)
- Обезбедување на јасни и концизни упатства за механика на игри што треба да се спроведе за активноста да може да се игра
- Активна комуникација со тимот, како и со надворешни изведувачи
- Подготвување на финален извештај и билбиотека за завршени виртуелни лабораториски експерименти
Кои се потребните вештини и квалификации?
- Магистерски студии, во научна област или поврзана област на НТИМ образование
- Најмалку 5 (пет) години консултантски услуги или директна стручна работа во врска со НТИМ образованието во С. Македонија
- Докажана способност да ги идентификува и развива образовните материјали за креативната наука
- Докажана способност за усогласување и одржување на квалитетот и конзистентноста на научните материјали и документација
- Демонстрирано знаење и искуство со истражување на најдобрите меѓународни практики
- Способност за обезбедување упатства за дизајн на игри како средство за преведување на научните активности во технички одржливи случувања
- Способност за усогласување на активностите развиени со реалните потреби и програма во училницата
- Одржување редовна професионална комуникација со сите засегнати страни
- Искуството со македонскиот систем за високо образование и неговите научни аспекти е предност
- Искуството со работа на слични програми на УНИЦЕФ или други програми финансирани од донатори ќе се смета за предност
- Познавање на албански јазик ќе се смета за предност
Логистички информации поврзани со работниот ангажман:
- Ангажманот се склучува преку Договор за ангажман со СмартАп на определено време односно периодот Јуни-Септември 2022,
- Ангажманот се базира на испорачани 15 виртуелни лабораториски експерименти
- За позицијата е предвиден вкупен надомест од 80 000 МКД бруто.
- Работното време се организира според планот за одржување на настаните и активностите
- Физичкото присуство не е задолжително поради природата на позицијата
За апликација испратете го Вашето CV и предлог за симулација на еден виртуелен лабараториски експеримент на [email protected] со наслов Апликација за Консултант за развој на научна активност. Ќе бидат исконтактирани само кандидатите кои ќе влезат во потесен круг за селекција. Краен рок за аплицирање е 29.05.2022 година.
