СмартАП – Лабораторија за социјални иновации Скопје е невладина организација која работи на адресирање и решавање на општествени предизвици во областите на образование, иновации во јавен сектор и климатски промени. Преку својот иновативен пристап и посветеност, тимот на СмартАп секојдневно работи на креирање поубав, поинаков и подобар свет. Составен од креативни, амбициозни и мотивирани соработници, тимот е секогаш отворен за нови сонувачи и професионалци кои сакаат да работат во пријатна и предизвикувачка работна средина и кои целат преку своето работење да креираат позитивна промена за својата околина и општество.
Согласно потребите на организацијата, СмартАП објавува оглас за проширување на својот тим со:
Проектен Асистент
Кои ќе бидат одговорностите на проектниот менаџер?
- Директна соработка со проектниот тим и поддршка во реализација на проектните активности.
- Поддршка при организирање на настани.
- Логистичка поддршка на проектни активности.
- Менаџирање на процесот на набавка (собирање на понуди, достава, комуникација со засегнати страни).
- Подготовка и собирање на апликации, подготовка на договори за надворешни и внатрешни соработници и консултанти.
- Проверка, надгледување во делот на достава и собирање на месечни/дневни извештаи за сработена работа од страна на консултнатите.
- Административна проверка на документација за плаќања и нивна организација.
- Одговорно собирање на целокупната документација поврзана со проектите согласно потребите на проектните извештаи.
- Подготовка на целокупната административна документација за одредени проектни активности.
- Редовна комуникација со целиот тим, како и надворешните соработници и консултанти.
- Почитување на интерните правила и процедури на организацијата.
Кои се потребните вештини и квалификации?
- Минимум две (2) години работно искуство на иста или слична позиција.
- Одлично познавање на пишан и говорен англиски јазик.
- Одлично познавање на MS Office пакетот како и Google Drive, Outlook.
- Способност за планирање, организација и реализација на активности во кратки рокови.
- Одлични комуникациски и организациски вештини.
- Професионален однос кон сите вклучени страни .
- Поседување на диплома од високо образование ќе се смета за предност.
Логистички информации поврзани со работниот ангажман:
- Лицето се очекува да започне со работа од 01.02.2025 година, во период од 6 месеци со можност за продолжување
- Предвидениот месечен надомест е согласно изработените работни часови во месецот (во просек 20%) каде што како основа се зема бруто сума од 98.304,00 ден за полно работно време.
- Работата се извршува во канцеларија, во просториите на организацијата.
- Се очекува редовно водење на дневен записник за извршените задачи.
Краен рок за аплицирање е 23.12.2024. Ве молиме во апликациската форма поднесете Резиме (CV) на македонски и/ или англиски јазик.
Апликациите се поднесуваат електронски преку е-маил на [email protected] со наслов “Апликација за проектен асистент“.
Процесот на интервју ќе се одвива во период од 13 до 17 јануари 2025 година. Само селектираните кандидати ќе бидат контактирани и повикани на интервју.
