СмартАП – Лабораторија за социјални иновации е невладина организација која работи на адресирање и решавање на општествени предизвици во областите на јавни услуги, климатски промени и образование. Преку својот иновативен и поинаков пристап но и преку својата пасија и посветеност, тимот на СмартАп секојдневно работи на креирање поубав, поинаков и подобар свет. Составен од млади, амбициозни и мотивирани соработници, тимот секогаш е отворен за нови сонувачи и професионалци кои сакаат да работат во пријатна и предизвикувачка работна средина и кои целат преку своето работење да креираат вредност и позитивна промена за својата околина и општество.
СмартАП – Лабораторија за социјални иновации со поддршка од Детската Фондација Песталоци, го спроведува проектот „EmpowerED: Дигитално самооценување на наставници“, во периодот Декември 2024 – Ноември 2025 година.
Целта на проектот е да се дигитализира процесот на самооценување за наставниците во Северна Македонија преку создавање интерактивен модул за самооценување и преку сеопфатна база со податоци за потребите на наставниците. Ова решение има за цел да го насочи процесот на самооценување, правејќи го попристапен, временски ефикасен и ефективен за едукаторите. Главните активности вклучуваат:
- Дигитален систем за самооценување: Развој на интерактивен онлајн модул врз основа на постојниот образец за самооценување.
- База на податоци за потребите на наставниците: Прикажување на јавна база на податоци за потребите на наставниците добиена од податоците за самооценување.
Согласно потребите на проектот „EmpowerED: Дигитално самооценување на наставници“, СмартАП објавува оглас за ангажирање на соработник за позициите:
- Соработник за корисничко искуство (UX) и дефинирање на систем
- Соработник за техничка поддршка (ИТ Офицер)
Консултант ќе работи на подготовка на проектна документација, спецификација, координација и надгледување на техничкиот развој на алатката за самооценување на наставниците.
- Соработник за корисничко искуство (UX) и дефинирање на систем (период Декември 2024 – Јануари 2025)
Кои ќе бидат задачите и одговорностите ?
- Го води планирањето на алатката за самооценување.
- Координирање со внатрешните заинтересирани страни за разбирање на барањата и собирање на повратни информации.
- Изработка на спецификација за кориснички улоги и нивни одговорности во системот.
- Изработка на спецификација на работните текови и структури на формуларите.
- Прецизирање на критериуми за филтрирање и визуелизации на базата на податоци.
- Дефинирање на шаблони за извештаите кои треба да се генерираат од алатката.
Кои се потребните вештини и квалификации?
- Завршено високо образование во областа на информатичка технологија, компјутерски науки или сродна дисциплина.
- Најмалку 5 години професионално искуство во развој, имплементација, и управување со дигитални платформи и алатки.
- Докажано искуство во дизајн и развој на интерактивни онлајн модули.
- Одлични организациски и координациски вештини, особено во управување со проекти со повеќе заинтересирани страни.
- Високо ниво на техничко познавање за управување со алатки за самоевалуација и кориснички интерфејси (UX/UI).
- Соработник за техничка поддршка (ИТ Офицер, период Февруари 2025 – до крај на проектот)
Кои ќе бидат задачите и одговорностите ?
- Го води развојот и техничката имплементација на алатката за самооценување.
- Управување со временските рокови и испораки за да се осигура дека алатката ќе биде развиена и имплементирана навремено.
- Водење на развојот на информациски панел за потребите на наставниците.
- Обезбедување поддршка за корисниците за време на воведувањето на алатката и обезбедување обуки за администратори и клучни корисници за управување и користење на алатката.
- Соработка со ИТ оддели или тимови за имплементација на алатката.
Кои се потребните вештини и квалификации?
- Завршено високо образование во областа на информатичка технологија, компјутерски науки или сродна дисциплина.
- Најмалку 5 години професионално искуство во развој, имплементација, и управување со дигитални платформи и алатки.
- Докажано искуство во дизајн и развој на интерактивни онлајн модули.
- Познавање на бази на податоци (на пример, MySQL, PostgreSQL) и искуство во развој на интегрирани системи за податоци.
- Одлични организациски и координациски вештини, особено во управување со проекти со повеќе заинтересирани страни.
Логистички информации поврзани со работниот ангажман:
- За позицијата се склучува Договор за ангажман со СмартАп на определено време односно ќе треба да ги спроведе работните задачи во периодот од Декември 2024 до Ноември 2025 година.
- Работното време се организира според доставениот план за работа и согласност од проектниот менаџер.
- Физичкото присуство не е задолжително поради природата на позицијата.
Процес на аплицирање
Овој повик е јавен. Секој што ги исполнува потребните квалификации може да се пријави на овој повик со поднесување на следните документи:
- Професионална биографија (CV)
- Финансиска понуда за еден консултантски ден
За да аплицирате на понудените позиции испратете ја потребната документација на [email protected] со наслов “[Наслов на позиција] за EmpowerED”.
Една иста личност може да аплицира за двете позиции со тоа што треба да достави посебна финансиска понуда за секоја од позициите.
Краен рок за доставување на апликациите е 02.12.2024 година.
Апликациите кои ќе пристигнат по наведениот рок, како и оние кои не се доставени според условите на повикот, нема да бидат земени предвид.
