Skip links

Повик за графички дизајнери и илустратори на #Inno4Edu работилница - „Креирај едукативни активности за најмладите“

СмартАп – Лабораторија за социјални иновации организира работилницата – „Креирај едукативни активности за најмладите” како дел од проектот #Inno4Edu „Создавање средина што овозможува подобрување на квалитетот на наставата и учењето преку ко-креирање и иновации“.

За оваа цел, ги покануваме сите графички дизајнери и илустратори кои сакаат визуелното да ги претставуват едукативните активности кои ќе се изработуваат на оваа дводневна работилница од страна на воспитувачи и наставници, која ќе се оддржи од 15ти до 16ти ноември во хотел Порта, Скопје.

Работилницата ја организираме со цел вклучување на воспитувачите и одделенските наставници во креирање на содржина на националната веб платформа за образование, каде тие ќе можат да пристапат и преземат материјали за подобро спроведување на својот час со деца од 3 до 10 години. Целта ни е брзата достапност на ваквите ресурси создадени и поддржани од заедницата да обезбедат подобра едукација за сегашните и идните генерации.

Улогата на графичките дизајнери за време на работилницата ќе биде да ги претстават визуелно материјалите и игрите кои ќе бидат креирани од страна на тимовите на едукатори. Ова вклучува придружни графики за инструкции на игрите и нивен опис во инфографик формат, како и почетна (cover/featured image) илустрација за опис на игровната активност. Сите дизајни ќе се изработуваат во период од 15ти до 16ти ноември во хотел Порта, заедно во тимот со воспитувачи и наставници кои ќе ја креираат содржината за игровните активности. Дополнително, доколку има заинтересирани графички дизајнери кои не се во можност да присуствуваат на работилницата, ги охрабруваме сепак да се пријават преку апликацискиот формулар подолу за да ги имаме во предвид за следните настани.

Пријавете се за да креирате дизајни кои во иднина многу дечиња ќе ги направат среќни!

Сите заинтересирани може да ја пополнат апликациската форма на: https://bit.ly/2ny3Vdb и да го прикачат нивното CV, портфолио како и да ни кажат повеќе за нивната мотивација. Рокот за аплицирање е 08.11.2019.

За ангажираните е предвиден симболичен надомест.

Повеќе информации за самата работилница прочитајте на официјалниот настан, а за проектот на https://www.innovationlab.mk/work/inno4edu/.

Пример од воведна илустрација на материјал

(обележано со црвено)

Националната веб платформа за образование ќе биде место каде што одделенски наставници, воспитувачи и родители ќе можат да пронајдат материјали и инспирација за подобро спроведување на часовите, за имплементирање на нови начини на учење преку игра и креативни алатки за поттикнување на социо-емоционалниот развој кај децата од 3 до 10 години. Националната веб платформа за образование има за цел да прерасне во дом на голем број материјали и игри за едукација. Па затоа, дојдете заедно да ја креираме!

Проектот Inno4Edu е финансиран од Владата на Обединетото Кралство преку Британската амбасада во Скопје, со поддршка на Министерството за труд и социјална политика, Министерството за образование и наука, Бирото за развој на образование и УНИЦЕФ, а имплементиран од страна на СмартАп.