СмартАП – Лабораторија за социјални иновации Скопје е невладина организација која работи на адресирање и решавање на општествени предизвици во областите на образование, иновации во јавен сектор и климатски промени. Преку својот иновативен пристап и посветеност, тимот на СмартАп секојдневно работи на креирање поубав, поинаков и подобар свет. Составен од амбициозни и мотивирани соработници, тимот е секогаш отворен за нови професионалци кои сакаат да работат во пријатна работна средина и кои целат преку своето работење да креираат позитивна промена за својата околина и општество.
Согласно потребите на тековниот проект Community Energy Cooperatives, СмартАП објавува оглас за ангажирање на:
Специјалист од областа на енергетски политики и енергетски заедници
Вашите одговорности ќе вклучуваат:
- Поддршка на финализирање на истражување со фокус на инфраструктурата за полнење електрични возила во Македонија.
- Поддршка во финализирање на алатка за бизинис модели за енергетски заедници.
- Поддршка во иницирање и развој на една граѓанска иницијатива во оваа област, односно пружање поддршка во развојот на организацискиот и бизнис модел и усогласување со соодветните законски прописи.
- Поддршка во подготовка и спроведување на четири (4) настани, односно тренинзи, работилници, вебинари и консултации, со фокус на развој на енергетски заедници, вклучително адресирање на сите потребни аспекти (организациски и бизинс модел, законски прописи и обврски, вклучување на заедницата)
Потребни вештини и квалификации:
Тематска експертиза
- Искуство во спроведување на истражувања, како и развој и работа на проекти од областа на одржлива мобилност, електрични возила, енергетски заедници и сродни теми.
- Фасилитаторски вештини за поттикнување на соработка, размена на знаење и активно учество.
- Искуство во работа со различни засегнати страни, вклучувајќи граѓани, претставници на јавниот сектор,приватниот сектор и граѓанскиот сектор и регионални/меѓународни партнери.
- Разбирање на процес на имплементација на граѓански иницијативи
- Познавање на пристапи за организирање на заедници во областа на енергијата, мобилноста, и интервенции во просторот.
Дигитална писменост
- Познавање на онлајн платформи за соработка (на пр. Slack, Hivebrite, Zoom, MS Teams) и алатки за управување со настани.
- Основно познавање на социјалните медиуми и комуникациските алатки за промовирање на настани и иницијативи..
Логистички информации поврзани со работниот ангажман:
- За позицијата ќе се склучи Договор за ангажман со СмартАП за периодот од 16 февруари до 22 мај 2026 година со вкупен обем од 25-30 консултантски денови, кои ќе се реализираат согласно потребите и дефинираните одговорности за позицијата.
- Се очекува редовно водење дневен записник за реализираните активности и извршените задачи.
- Поради природата на позицијата, физичкото присуство не е задолжително, а работата може да се извршува од далечина.
Овој повик е јавен. Секој што ги исполнува потребните квалификации може да се пријави на овој повик со поднесување на следните документи:
- Резиме (CV) на македоснки и/или англиски јазик
- Финансиска понуда, изразена во бруто износ за еден консултантски ден
За да аплицирате на понудената позиција испратете ја потребната документација на [email protected] со наслов “Специјалист од областа на енергетски политики и енергетски заедници”.
Краен рок за доставување на апликациите е 02.02.2026 година.
Апликациите кои ќе пристигнат по наведениот рок, како и оние кои не се доставени според условите на повикот, нема да бидат земени предвид.
Процесот на интервју ќе се одвива во период од 4-6 февруари 2026 година. Само селектираните кандидати ќе бидат контактирани и повикани на интервју.
