СмартАП – Лабораторија за социјални иновации во партнерство со Детската Фондација Песталоци, го спроведува проектот „EmpowerED: Дигитално самооценување за наставници“, во периодот декември 2024 – ноември 2025 година.
Оваа алатка има за цел да го дигитализира, појасни и олесни процесот на изработка на личен план за професионален развој на наставниците, при што автоматски ќе генерира готови планови за наставниците, наставничките тимови како и извештај кој ќе ги рефелктира потребите на наставниците на национално ниво.
Дигитализацијата е предвидена преку создавање интерактивен модул кој започнува со самооценување до генерирање личен план за прогесионален развој на наставниците и преку сеопфатна база со податоци за потребите на наставниците. Ова решение треба да го направи процесот на изработка на личен план за професионален развој попристапен, временски ефикасен и ефективен за наставниците, а базата на податоци ќе биде користена за генерирање извештаи за потребите на наставниците што ќе бидат користени од страна на училишните тимови и институциите.
Согласно потребите на проектот „EmpowerED: Дигитално самооценување за наставници“, СмартАП објавува оглас за ангажирање:
Техничка компанија за имплементација на дигитален систем за самооценување и план за професионален развој
Задачи и одговорности
Од компанијата се очекува да оствари испорака на софтверска алатка која ги опфаќа следните функционалности
- Имплементација на функционалности за пристап на системот
- Имплементација на форми за регистрација и најава
- Имплементација на процес за промена на лозинка и процес за обнова на лозинка при заборавена лозинка
- Интеграција на алатката со сервисот за корисници на МОН (schools.mk) за авторизација и автентикација и преземање на податоците за корисниците
- Имплементирање на промена на јазик на системот (македонски и албански)
- Имплементација на модул за менаџирање на корисници на системот:
- Креирање на нови корисници
- Одобрување на регистрирани корисници
- Преглед и промена на кориснички информации
- Менаџирање на улоги на корисниците во рамки на софтверската алатка
- Можност за доделување на корисниците на алатката во групи на корисници
- Имплементација на модул за самооценување и генерирање личен план за професионален развој на наставници
- Имплементирање на образец за самооценување врз основа на компетенциите за наставници во основните училишта опфатени со: “Правилникот за основните професионални компетенции на наставниците во основните и средните училишта по подрачја “
- Дефинирање на текот на процесот на самооценување согласно насоките кои ќе бидат пратени од проектниот тим
- Приказ на историја на претходно пополнети образци.
- Генерирање на образец за личен план за професионален развој кој треба да се дополни и има можност за печатење, дефиниран според: “Правилник за формата и содржината на личниот план за професионален развој на наставниците и стручните соработници во основните и средните училишта”
- Приказ на историја на претходните планови за професионален развој на корисниците
- Генерирање на извештај за реализација на личниот план за професионален развој кој се дополнува од повеќе корисници на алатката согласно насоки и процеси кои ќе бидат обезбедени од проектниот тим согласно правилникот за личен план за професионален развој наведен погоре.
- Преглед на историјата на претходните реализирани планови за професионален развој на корисниците
- Имплементација на информативна табла (dashboard) од базата на податоци на алатката
- Визуелна репрезентација на компетенциите и степенот на нивна развиеност, реализираност и планирање врз основа на повеќе филтрирачки критериуми (по училишта, општини, градови, подрачје на компетенции, компетенции итн..)
- Имплементација на функционалности за генерирање и преземање на документи во форма на PDF/Docx формат
- Пополнетиот план за самоевалуација, личниот план за професионален развој како и извештајот за реализација на планот треба да можат да бидат преземени од страна на корисниците кои имаат пристап до нив во форма на PDF или Docx формат.
- Визуелизираните податоци од информативната табла треба да може да се преземат во PDF формат согласно селектираните филтри на корисникот кој ги прегледува
- Имплементација на систем за известување
- Испраќање на известувања преку е-маил и нотификации во рамки на алатката при различни фази од процесите на алатката
Очекувана испорака
- Функционалности за стандардна најава и регистрација во системот преку форми за најава и регистрација.
- Поврзување со schools.mk за најава и регистрација на корисници.
- Менаџирање на корисници, кориснички групи и улоги во системот.
- Модул кој ги опфаќа потребните образци и процеси за самооценување на наставниците, планирање и реализација на личен план за професионален развој
- Модул за нотификации и е-маил известувања на корисниците
- Функционалности за генерирање и преземање на pdf и word документи од образците
- Информативна табла со податоци од базата на податоци и можности за филтрирање
- Поставување и ажурирање на алатката на околина наменета за тестирање во текот на изработката
- Поставување и ажурирање на алатката на продукциска околина без загуба на податоците од базата на податоци
- Техничка поддршка за алатката во времетраење до месец Ноември 2025 година.
- Три кориснички упатства за користење на системот (упатство за администратори на системот, упатство за администратори на училиштата, упатство за наставници, директори и стручни соработници)
- Извештај за процесот на имплементација.
За очекуваните функционалности на алатката кои треба да ги исполни компанијата-изведувач, во тек е изработка на документ за побарувања на софтверот кој што е во активна изработка и е достапен за преглед на линкот: https://shorturl.at/m0Cz4.
Времетраење на развој на системот во 2025 година:
| Јан – Фев | Дефинирање на финални функционалност, процеси и изглед |
| Фев – Јуни | Технички развој на алатката за самоевалуација и подготовка на план за професионален развој. Имплементирање на процесите и визуелизација на базата на податоци. |
| Јуни – Јули | Тестирање на алатката со 30 корисници и имплементација на препораките |
| Јули – Ноември | Пилотирање на алатката во едно училиште |
| Јули – Ноември | Техничка поддршка |
Процес на аплицирање
Повикот е јавен. Заинтересираните компании треба да достават:
- Портфолио или листа на слични реализирани активности.
- Финансиска понуда која вклучува вкупна бруто сума.
Селекцијата ќе се изврши според најниската доставена финансиска понуда.
Документите испратете ги на [email protected] со наслов „Понуда за дигитален систем“.
Краен рок за доставување на апликациите е 17 Јануари 2025 година, 15:30 часот. Апликациите поднесени по крајниот рок или без комплетна документација нема да бидат разгледани.
